Friday, March 21, 2008

આપ સૌ ને હોળીની વધાઈ....

ચાલો આજે હોળી રમશું.
દ્વેષ સગળાં છોડી, રમશું.

મહિના વિત્યાં,બોલ્યા પણ ના!
સૌ અબોલા તોડી, રમશું...

શ્વેત - ચોખ્ખું દિલનું પાનું,
પ્રેમ રંગો, બોળી, રમશું.

આંખે-આંખે વાતો થાતી,
ચિતડું કોઈ ચોરી, રમશું.

છો સદા એ લીલા કરતો,
ગોપી તો સૌ ભોળી; રમશું.

રંગ ભગવો,લાગ્યો ભીતર!
માંહે ચેતન ખોળી, રમશું..

હંમેશ મુજબ આપનાં અભિપ્રાય આપશો.

જય ગુર્જરી,

ચેતન ફ્રેમવાલા

Monday, March 17, 2008

બે મુક્તક

છો સ્પંજ કેરું બેડ છે તોય પણ,
લેવી પડે છે ઊંઘ ની ગોળી મને.
ને ફૂટપાથી પત્થરોની સેજ પર,
જો કેટલો આરામથી ચેતન સુવે.

માર્ચ-વેરો

આ મંદી મારી નાખે છે,
ભૈ બોજ ભારી નાખે છે.
કે માંડ નવડા મળતા'તા,
એ મીંડા કાઢી નાખે છે.

હંમેશ મુજબ આપનાં કિમતી અભિપ્રાય આપશો.

જય ગુર્જરી,
ચેતન ફ્રેમવાલા