આજ ની જરૂરત છે નવસર્જન ની... એક ગઝલ ....

લાક્ડાનાં વ્હેરમાંથી, કો' નવું સર્જન કરો.
ઝેર જેવા ઝેર માંથી, કો' નવું સર્જન કરો....

ઊગતા ને ડૂબતા આ, સૂર્યની માફક તમે;
તૂટતી સૌ લ્હેરમાંથી, કો' નવું સર્જન કરો....
આંસુઓને ખાળવા માટે ઘણા યત્નો કર્યા.
આંસુઓની સેરમાંથી ,કો' નવું સર્જન કરો....

પ્રેમ ને ચેતન વગર છે લાશ જેવી જીંદગી !
લાશના આ ઢેરમાંથી, કો' નવું સર્જન કરો....

આપનાં કિમતી અભિપ્રાય આપશો...
જય ગુર્જરી.
ચેતન ફ્રેમવાલા...