Saturday, August 19, 2006

બહુ મુશ્કિલ છે 'ઘાયલ

Friday, August 18, 2006

બાજુમાં ગુલ અને નજરમાં બહાર,
હાથમાં જામ્ આંખડીમાં ખુમાર
આવી પહોંચી સવારી ઘાયલની
બાઅદબ બામુલાયઝા, હોશિયાર..........
**************************
તને પીતાં નથી આવડ્તો મૂર્ખ મન મારા
પદાર્થ એવો કયો છે કે જે શરાબ નથી ?
************************
અરે! કાળ શું મારશે અમને થપ્પડ
ચડી જો ગયો એ અમારે ઝપાટે,
અમે કાળનું ફેરવી મુખ દઈશું
અમારા જીવારાની વજ્જર થપાટે..
.**********************
નીરખવી ઘટે ઠીબને પંખીની નજરથી
નાચીઝ સંબંધોય નથી હોતા નકામા...
**********************
સાંજનાં પાછો ઘેર આવું છું
દ્વાર મારું જ ખટખટાવું છું.
બીજું તો શું બહારથી લાવું?
ઊંચકી હું મને જ લાવું છું.
******************
પાપણનો ભાર એમનો જાતો નથી સહ્યો,
એ દોસ્ત, સ્વપ્નની હવે લઈ જાઉં લાશ ક્યાં?
**********************
કલબલ કર્યા કરે છે કાબર અભાવની,
જાણે ફૂટી છે એમને વાચા નવાઈની.
**********************
સળગી રહ્યું છે આંખની સામે જ ઘર અને
બેઠો છું ઠૂંઠવાઈ હું ઘટનાના ઘાસમાં.
***********************
પ્રતિબિંબનેય નમણો ચહેરો ગમી ગયો,
ઘૂંઘટ ખસી ગયો તો અરીસો નમી ગયો.
************************
દોર ચાલે છે મિષ્ટ શરબતના
રંગબેરંગી જામ ખખડે છે,
એક તરફ રોટલો લઈ સૂકો
ચીંથરેહાલ લાશ રખડે છે..
******************
એવી જ છે ઇચ્છા તો મેં ઘૂંટ ભર્યો લે
છોડ્યો જ હતો કિન્તુ ફરી મીઠો કર્યો લે
મરવાની અણી પર છું છતાં જીવી રહ્યો છું,
સંદેહ તને હોય તો આ પડખો ફર્યો લે..
*******************
બહુ મુશ્કિલ છે 'ઘાયલ માંથી
અમૃતલાલ થઈ જાવું.....

જય ગુર્જરી,
ચેતન ફ્રેમવાલા

2 Comments:

Blogger વિવેક said...

સુંદર સંકલન...

3:36 AM  
Anonymous Jayshree said...

સુંદર સંક્લન છે...
મઝા આવી....
Regards,
Jayshree.

7:30 AM  

Post a Comment

<< Home