પાલીતાણામાં દાદાની યાત્રા કરતાં લખાયેલ ગઝલ

હું નહીં તો તું હશે, શોધો મને,
ભીતરે ઊંડે કશે શોધો મને !

સાવ રડતલ જીંદગી જીવે બધાં,
બાળકો જ્યાં-જ્યાં હસે, શોધો મને!

છું શહેરી, તે છતાં જીવું તો છું,
પાંદડૂં લીલું ખસે, શોધો મને!

આમ તો પાષાણ જેવી જીંદગી,
ભીતરે ઇશ્વર વસે, શોધો મને!

મારા દ્વારે હું જો તમને ના મળું ,
તો દિશા ખોલો દશે, શોધો મને !

પ્રેમનાં બે બોલ, મુજને પણ કહો,
જડ મહીં 'ચેતન' થશે, શોધો મને....

ચેતન ફ્રેમવાલા