દિવાળી અને ઈદ ની હાર્દિક શુભકામના.

સૌ મિત્રોને, દિવાળી અને ઈદ ની હાર્દિક શુભકામના.
મધ્યમ વર્ગને બીજાની દેખા-દેખીમાં ઘસડાતો જોઈ એક ગઝલ જન્મી,
તે પ્રસ્તુત છે.

લાલ રાખી ગાલ બસ ,ઉજવો દિવાળી,
જીંદગી છો જસની તસ , ઉજવો દિવાળી..

છે અમાવશ રાત ,રોશન ઘર-ગલી છે!
તુજ ઘરે છો હો તમસ, ઉજવો દિવાળી.

દિલમાં હો- છો, દુખ ઘણાં, સંતાડ સગળું.
ખોટ્ટે-ખોટું થોડું હસ,ઉજવો દિવાળી.

એક સપનું તૂટતૂં, જાગે નવા સો,
મન કરીને તારૂં વશ ,ઉજવો દિવાળી.

હું ને હું નાં ,આ વમળમાં, તું ફસાયો!
ખુદથી થોડો આઘો ખસ, ઉજવો દિવાળી..

દોડતો કાં આંધળું, ચેતન સદા તું?
છોડ મ્રુગ કેરી તરસ , ઉજવો દિવાળી....

હંમેશ મુજબ આપનાં કિંમતી અભિપ્રાય અનિવાર્ય છે.

જય ગુર્જરી,
ચેતન ફ્રેમવાલા....