જળ તને છે કૈં ખબર ?

પાપના પરપોટા ફૂટ્યા, જળ તને છે કૈં ખબર ?
ગંગાના પાણી રે ખૂટ્યા, જળ તને છે કૈં ખબર ?

નીલ થૈ ગ્યાં કંઠ એના, શાથી જળ તું જાણે છે?
આપી અમરત ઝેર ચૂંટ્યા, જળ તને છે કૈં ખબર ?

લંકા જાવા સેતુ થૈ પાષાણ કેવા તરતા'તાં
રામ નામે સૌને પૂજ્યા, જળ તને છે કૈં ખબર ?

યમુના કાંઠે લૈ દડો રમવાને થોડા ગ્યા'તા એ!
કાળિયા ના મદ્ રે તૂટ્યાં , જળ તને છે કૈં ખબર ?

કાશી કાબા ગ્યો'તો ચેતન, ક્યાંયે ઈશ્વર ના મળ્યા.
અબળાના બસ આંસુ લૂછ્યા,જળ તને છે કૈં ખબર ?

હંમેશ મુજબ આપનાં કિંમતી અભિપ્રાય આપશો

જય ગુર્જરી,

ચેતન ફ્રેમવાલા